《香港亂嗡》為搶收視　玩寸六嬸志雲

亞視一向屬電視界內嘅「弱勢社群」，長久以來自家製嘅節目如《開心大發現》、《豪遊天下》等往往都「贏口碑、輸收視」。不過積弱多年，近期亞視終於都算爭番口氣爆出佳作，推出針對社會民生政治嘅扮嘢諷刺節目《香港亂噏》，節目於5月出街後立即引嚟網民熱捧。最近亞視仲玩埋娛樂圈，於節目內加插鬧劇「垂簾聽打」，搵林超榮同「扮嘢天王」盧海鵬扮演「芳太后」同「小暈子」，實行明寸無綫老闆娘方逸華同總經理陳志雲。亞視今勻發功，志雲都俾人玩到暈，怪不得陳志雲反擊：「我冇睇過呢個節目。」費事益人。 [b]暗寸垂簾聽政[/b]
林超榮扮演「芳太后」，而盧海鵬則扮演「志暈大師」，不過「芳太后」仍不時以「小暈子」稱呼鵬哥，唔知係咪想暗示佢係「公公」？ [b]蒲進扮演「蘇聞瘋」
劉錫賢扮演「麥靈靈」[/b]
真版麥玲玲見過A貨「靈靈」後都俾佢嚇親，「係就係肉酸啲，不過佢肥肥哋都幾可愛。」節目更認真地幫兩位A貨師傅出版兩本運程書。 [b]鄭啟泰扮演「李加乘」[/b]
連香港首富李嘉誠都玩埋，仲要跟足佢個特高髮線同苦口苦面表情，驟眼睇同真貨有八成相似。 [b]姜皓文扮演「家鷹哥」[/b]
姜皓文捕捉晒真貨羅家英嘅粵劇做手同說話時嘅大戲腔，所以亦相當神似。 [b]直擊林超榮　變身爆笑過程[/b]
香香港亂噏》參照台灣大受歡迎嘅政治吹水節目《全民最大黨》，以嬉笑怒罵同扮嘢形式，玩盡香港社會政治民生熱辣話題。最近亞視仲「食住上」，將原本每星期日播影一小時嘅節目，添食到每星期一至五晚上播半小時，內容除時事新聞外，更加插嘲諷無綫嘅短劇「垂簾聽打」。 [b]寸志雲高調過藝人[/b]
短劇由林超榮扮演「芳太后」，盧海鵬扮演「小暈子」，諷刺無綫的「垂簾聽政」文化。而本周四（23日）內容更講述「太后」鬧「小暈子」太高調，出鏡仲多過啲「仔仔女女」，明踩陳志雲高調過藝人。之後芳太后又寸今年「後宮小姐」為雜扒，明踩今年無綫港姐質素奇差，內容絕對抵死啜核，分明要「辣㷫」無綫。
不過身為無綫總經理嘅陳志雲就冇有怕，仲暗示《香港亂噏》out，「我冇睇過呢個節目，呢類節目喺外國已經存在好多年，詹瑞文之前都有扮過我。人哋係有創作自由，就算佢哋真係醜化我或者方小姐（方逸華），我哋都冇需要嬲，因為又唔係指明道姓話邊個，我哋又何必對號入座呢？」
而《香港亂嗡》監製葉成昌表示，加插「垂簾聽打」係想吸引一眾對政治唔太熱衷嘅一群人，「唔係個個都會知道邊個係孫明揚或劉江華，反而娛樂新聞會較多人關注，所以我哋想出個嘲諷娛樂圈嘅環節。節目出街後都知道外間反應唔錯，收視平均亦有5點，相對其他節目嚟講都算唔錯。」 [b]魔術手娟姐[/b]
身為《香港亂噏》靈魂人物嘅林超榮除咗扮演「芳太后」之外，仲喺短劇「新聞亂報」內扮演女主播「林超齡」。要變身「林超齡」，林超榮首先要穿上用來「裝假狗」嘅特大胸圍，然後換上女主播套裝，而化妝則由有40年特技化妝經驗嘅娟姐一手負責。娟姐表示先幫林超榮化上一般女人妝，然後便着手誇張眼部嘅化妝，經過半小時嘅變臉，林超榮便化身濃妝艷抹嘅女主播「林超齡」，雖然相似度極低，但就相當爆笑。 [b]幕後製作解構[/b]
[b]網友激講
鵬哥學木村露點[/b]
盧海鵬以前在《歡樂今宵》最叻扮鬼扮馬，今次扮演木村拓哉亦難唔到佢，鵬哥模仿木村在止汗劑廣告中露兩點、反晒白眼。
這個惡搞廣告短片播出後，在YouTube點擊率一周已過15萬。 [b]激讚長毛[/b]
其中一個環節《長毛開Band》，由姜皓文扮演長毛梁國雄，把流行曲歌詞改編，以全走音唱出諷刺事弊。姜皓文更不時大講「覆你個機」來代表愛以粗口發洩的長毛。 - (id:kenwchch) [img]http://pda.atnext.com/isilo/images/next-photos/SuddenWeekly/730/640pixfolder/A730-043/DSC_3648.jpg[/img]
[img]http://pda.atnext.com/isilo/images/next-photos/SuddenWeekly/730/640pixfolder/A730-043/DSC_3495.jpg[/img]
盧海鵬扮演小暈子
相似度70% [img]http://pda.atnext.com/isilo/images/next-photos/SuddenWeekly/730/640pixfolder/A730-043/DSC_3615.jpg[/img]
林超榮扮演芳太后
相似度90% [img]http://pda.atnext.com/isilo/images/next-photos/SuddenWeekly/730/640pixfolder/A730-043/9512529.jpg[/img]
我冇睇過呢個節目！（真實對白） [img]http://pda.atnext.com/isilo/images/next-photos/SuddenWeekly/730/640pixfolder/A730-043/6240437.jpg[/img]
真係好似我喎！（ 設計對白） [img]http://pda.atnext.com/isilo/images/next-photos/SuddenWeekly/730/640pixfolder/A730-043/DSC_3573.jpg[/img]
相似度60% [img]http://pda.atnext.com/isilo/images/next-photos/SuddenWeekly/730/640pixfolder/A730-043/DSC_3502.jpg[/img]
[img]http://pda.atnext.com/isilo/images/next-photos/SuddenWeekly/730/640pixfolder/A730-043/8949082.jpg[/img]
[img]http://pda.atnext.com/isilo/images/next-photos/SuddenWeekly/730/640pixfolder/A730-043/8796651.jpg[/img]
[img]http://pda.atnext.com/isilo/images/next-photos/SuddenWeekly/730/640pixfolder/A730-043/DSC_3377.jpg[/img]
相似度80% [img]http://pda.atnext.com/isilo/images/next-photos/SuddenWeekly/730/640pixfolder/A730-043/9552293.jpg[/img]
[img]http://pda.atnext.com/isilo/images/next-photos/SuddenWeekly/730/640pixfolder/A730-043/DSC_3759.jpg[/img]
相似度80% [img]http://pda.atnext.com/isilo/images/next-photos/SuddenWeekly/730/640pixfolder/A730-043/9824378.jpg[/img]
[img]http://pda.atnext.com/isilo/images/next-photos/SuddenWeekly/730/640pixfolder/A730-043/DSC_4298.jpg[/img]
飛bra [img]http://pda.atnext.com/isilo/images/next-photos/SuddenWeekly/730/640pixfolder/A730-043/DSC_4294.jpg[/img]
要扮演女主播「林超齡」，林超榮要犧牲色相戴上胸圍，更在內塞滿毛巾營造豐滿效果。 [img]http://pda.atnext.com/isilo/images/next-photos/SuddenWeekly/730/640pixfolder/A730-043/DSC_4328.jpg[/img]
由於「小飛俠」林燕玲出名擁有一雙電眼，所以林超榮要扮得神似，眼部化妝至為重要，除咗搽上搶眼的鮮藍色眼蓋膏，仲要黐埋假眼睫毛。 [img]http://pda.atnext.com/isilo/images/next-photos/SuddenWeekly/730/640pixfolder/A730-043/DSC_4391.jpg[/img]
變身後林超榮立刻變為美艷女主播「林超齡」，雖然與真貨林燕玲相似度近乎零，不過搞笑度卻十足。 [img]http://pda.atnext.com/isilo/images/next-photos/SuddenWeekly/730/640pixfolder/A730-043/DSC_4343.jpg[/img]
[img]http://pda.atnext.com/isilo/images/next-photos/SuddenWeekly/730/640pixfolder/A730-043/4079464.jpg[/img]
相似度0% [img]http://pda.atnext.com/isilo/images/next-photos/SuddenWeekly/730/640pixfolder/A730-043/DSC_4012.jpg[/img]
[img]http://pda.atnext.com/isilo/images/next-photos/SuddenWeekly/730/640pixfolder/A730-043/DSC_3384.jpg[/img]